Tama ka
maraming pangit na bagay sa mundo.
Naririyan
ang digmaan
ang sakit at kahirapan
ang panlalait at panlilinlang ng kapwa
ang mga krimen at mga kalamidad.
Mga bagay na kadalasan
ay kayhirap unawain at tanggapin...
mga bagay na kadalasan
ay nagbibigay ng katanungan
bakit nga ba nagaganap?
Subalit sa mundo
mayroon din namang magagandang bagay
na sa aking paniniwala
ay higit pa sa sapat
upang ating ipagpatuloy
ang buhay.
Naririyan
ang pamilya at mga kaibigan
ang pag-ibig at mga pangarap
at higit sa lahat, naririyan
...ang pag-ibig ng Diyos.
This poem has not been translated into any other language yet.
I would like to translate this poem
You are right despite of bad flipside of the world there much good things we can appreciate aside from those. A well expressed thoughts and an inspirational poem.