Song Xxix. Willy Of Eden Side Poem by Robert Anderson

No youngker on the village green
Wi' my sweet Willy can compare;
His rosy cheeks, and jet--black een,
Mak' him the pride o' dance or fair.
In vain the lasses try each art,
To lure the youth wi' gaudy pride;
In vain they try to win the heart
Of bonny Willy, smiling Willy,
Winsome Willy of Eden side.

Whene'er the 'squire comes to our cot,
He jokes and ca's me blythsome Kate;
But, lake--a--day! I lo'e him not,
For a' his riches, pride, and state.
My aunty cries, `Dear lassie, mind,
`And soon you'll be the 'squire's bride;'
But sweet content I ne'er can find
Except wi' Willy, smiling Willy,
Winsome Willy of Eden side.

How pleas'd am I at eve to see
My bonny boy come o'er the hill;
He pous the sweetest flow'rs for me,
And tunes his pipe so loud and shrill.
Whene'er he likes to kirk I'll gae,
And wed wi' him, whate'er betide;
Then blythe I'll pass the live--lang day
Wi' bonny Willy, smiling Willy,
Winsome Willy of Eden side.