Struggle, A Poem In Urdu Poem by Ravi Kopra

main zindgi bhar
kisi na kisi kash-makash main paDa raha

ek mulk se doosray mulk main bhaagta raha
nokri ki tailash karta raha
har ek koDi joDta raha
dar se k kaam kaaj bina
kahin bhookh se na mar jaooN

kisi par bharosa na tha
sabhi log char so bis lagtay thay
khuda ka naam zubaan pe nahin tha

kartay kartay sari umar aise beet gayi
dil karta nahin ab kucH karnay ko
daulat meri saari zindgi kha gayee
jo main chahta tha ab usay hi thukrata hoon
baDi der main samaj main aaya mujay
siraf paisa hi nahin hai zindgi.