Allama Muhammad Iqbal

(9 November 1877 - 21 April 1938 / Sialkot / British India)

Taraana-e-Milli - Poem by Allama Muhammad Iqbal

Cheen-o-Arab hamara, Hindustan hamara

Muslim main hum, watan hai sara jahan hamara

Tauheed ki amanat senon main hai hamarey

Asan nahin mitana naam-o-nishaan hamara

Duniya kay bu't kadon main, wo pehla ghar Khuda ka

Hum uss kay pasban hain, wo pasban hamara

Tagho'n Ke saaye main hum Pal kar Jawan Huway Hain

Khanjer Hilal ka hay Komi Nisha,n hamara

Maghrab Ki wadiyo,n main goongi aza'n hamari

Thamta Na tha kisi say sail-e-rawa'n hamara

Baatil say dabney waley, aey Asman! nahin hum

Sou baar ker chuka hai Tu imtihan hamara
Ay gulsitan-e-undlus wo din hei'n yad tujh ko

Tha tari dalyoo'n per jab ashyaa'n hamara

Ay moj-e-Dajla tub hi pehchanti hey hum ko

Ab tak hey tera derya afsana khwa'n hamara

Ay arz-e-pak tari hurmat pe kat maray hum

Hy khou'n tari ragoo'n may ab tak rawa'n hamara

Salar-e-Karwan hai Meer-e-Hijaaz (PBUH) apna

Iss naam say hai baaqi, aaram-e-jahan hamara

Iqbal ka tarana baang-e-dara hai goya

Hota hai jada paima, phir karwan hamara


Comments about Taraana-e-Milli by Allama Muhammad Iqbal

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, July 31, 2012

Poem Edited: Tuesday, July 31, 2012


[Hata Bildir]