Tere Mere Darmiyan Poem by Comfort Zone

Hazaaron khwahishein unsunee,
Tere mere darmiyan;
Hazaaron bandishein unkahee,
Tere mere darmiyan.

Woh tamaam khuda ki rehmatein,
Jo hum tum nibha na paaye,
Woh tamaam sajdon ki hasratein,
Jo hum tum bhula na paaye,
Un haseen tamannaon se bhare -
Bebas jazbaaton ke leher,
Tere mere darmiyan.

Woh labon ki sehmi hichkichaahat,
Jo adaa-ein bayaan na kar paaye;
Woh churiyon ki halki chhanchhanahat,
Jo nigahen-zabaan na keh paaye;
Woh rukhsat ke pal aasoo-on se bhare -
Nazuk dharkano ke keher,
Tere mere darmiyan.