The Maiden's Vow - Poem by Carolina Oliphant
Air - 'Comin' thro' the Rye.'
I've made a vow, I'll keep it true,
I'll never married be;
For the only ane that I think on
Will never think o' me.
Now gane to a far distant shore,
Their face nae mair I'll see;
But often will I think o' them,
That winna think o' me.
Gae owre, gae owre noo, gude Sir John,
Oh, dinna follow me;
For the only ane I ere thocht on,
Lies buried in the sea.
Comments about The Maiden's Vow by Carolina Oliphant
Read this poem in other languages
This poem has not been translated into any other language yet.