Uhlohlesakhe Poem by NtsimbamaZizi Sibongile Potelwa

Ngusigaxa-mabhandi umankunkxa
Ngungxowa zengxaza zixangxathekile
Sisu siliswayiswayi zange sanela
Nguhlohlesakhe kelowo

Umf’ omkhulu ufanelekile ngekh’ ukrokre
Lizwi lakhe lelimyoli ngekh’ unakane nto
Mehl’ wakhe atshawuz’ okomban’ ezulu
Kub’ ulaqaza anakukugusha kwezongxaza

Uqokelela konke engenalusini lamntu
Uxhwitha kweziphilayo efileyo uyayitshikilela
Uqine ngelithi yakha ngoboya benye kaloku
Nguhlohlesakhe waginy’ izembe libomvu

Mahlal’ exhinele phezulu engathethi nje tu;
Solok’ efutha engabiliswanga nto
Akathethi ntonje ufumb’ esakhe yedwa
Nguhlohlesakhe umaqhingashe kelowo