Vroeg-Oggend Blues Poem by YURI DURAAN

Die oggend spoel by ons venster
in….eers oor die tafel, dan die bed
en oor die laatnag fluisterwoorde
wat steeds tussen ons hang

Ek het gegiggel omdat jou
nagsoen gekielie het
Jou stem was donker van
die vaak

Die kat het op die muurtjie
buite sit en kyk na die maan….
rustig, soos jou asemhaling
teen my rug –

Tyd, o kosbare Tyd het stilgestaan
langs my bed en gewaak oor ons
stil woorde – en die nag vasgeketting
in my hart

So oggend kom! Sonskyn kom!
Verf die dag met helder hale…
My voete sal my dra deur goue strate,
terug na die nag….. na jou.