Anonymous Olde English


Waly, Waly, Love Be Bonny. A Scottish Song - Poem by Anonymous Olde English

O waly, waly up the bank,
And waly, waly down the brae,
And waly, waly yon burn side,
Where I and my love wer wont to gae.
I leant my back unto an aik,
I thought it was a trusty tree;
But first it bow'd, and syne it brak,
Sae my true love did lichtly me.

O waly, waly, gin love be bonny,
A little time while it is new;
But when its auld, it waxeth cauld,
And fades awa' like morning dew.
O wherefore shuld I busk my head?
Or wherefore shuld I kame my hair?
For my true love has me forsook,
And says he'll never loe me mair.

Now Arthur-Seat sall be my bed,
The sheets shall neir be fyl'd by me:
Saint Anton's well sall be my drink,
Since my true love has forsaken me.
Marti'mas wind, when wilt thou blaw,
And shake the green leaves aff the tree?
O gentle death, whan wilt thou cum?
For of my life I am wearie.

Tis not the frost that freezes fell,
Nor blawing snaws inclemencie;
'Tis not sic cauld that makes me cry,
But my loves heart grown cauld to me.
Whan we came in by Glasgowe town,
We were a comely sight to see;
My love was clad in black velvet,
And I my sell in cramasie.

But had I wist, before I kisst,
That love had been sae ill to win,
I had lockt my heart in a case of gowd,
And pinned it with a siller pin.
And, oh! if my young babe were born,
And set upon the nurses knee,
And I my sell were dead and gane!
For a maid again Ise never be.


Comments about Waly, Waly, Love Be Bonny. A Scottish Song by Anonymous Olde English

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, April 7, 2010



[Hata Bildir]