Latshon'ilanga xa kusihlwa,
yavel'inyanga ngentlangoth'ekhanyayo,
zaphel'iintsuku zokuqanga waqal'umonakalo,
latsh'iphimbo lendlala embindini,
zitswin'iintsiyo-ntsiyo ngentsini,
Zikhony'iinkukhu zakusasa,
zikhona nazo iimpondo zeenkomo,
Kwakunqab'ithemba lokuphila,
Umlom'uxwebile Iindlathi ziphatshile,
ndandul'ukuchiz'iinyembezi,
kungekho cebo limbi kwinqaba,
Ukanti xa kunje,
nangomso ndakusela amanzi ndilale,
Ukanti xa kunje,
namhla mandivuke ndondlule lamavuku-vuku,
Apha ndigcakamele ilanga lobukhoboka,
lihlab'umhlaba kwintlaba endikuyo,
ligqatsa lifikelel'embindini wamathumbu,
kunqab'incoko,
kunqab'umhlobo,
ndibon'imith, ndibon'iintaba,
ndibon'iziqhamo, ndibon'iintaka,
langxunguphala kwananjalo icephe lokutya,
umphang'uphungla ephangweni,
laxhents'ithumbu litsiba-tsiba,
kuthwa yayisisigezo sokulamba,
leyo yayiyintlungu yendlala,
axel'ufudo amaxhesha enjika langa,
yalunyawo lonwabo ilanga,
Le gagalala! kowu!
na xa kunje,
ndithi xola ntliziyo yam,
kuba xa kunje,
ndakuhlala ndigcakamel'imeko yelithunzi
This poem has not been translated into any other language yet.
I would like to translate this poem