Saikadon Adhure Khwab,
Hazaaron Ankahe Arman,
Kya Yahi Chaha Tha ZINDAGI Se...! !
Dhundhla Sa Ta-Umra Yari Ka Vaada,
Nibhane Me Mushkil Tha Jyada,
Kya Yahi Chaha Tha DOSTI Se...! !
Beshumaar Chaahat Ki Saugat,
Badle me Rahon Me Thi Aag,
Kya Yahi Chaaha Tha MUHABBAT Se...! !
Zindagi Bhar Juda na Hone Ki Kasme,
Khauf Ke Saaye me Dafan Tamaam Kasme,
Kya Yahi Chaha Tha MEHBOOBA Se...! !
Neend Ke Liye Tarasati Ankhen,
Jaagati Ankhon Me Zindaki Ke Khwab,
Kya Yahi Chaha Tha TANHA RATON Se...! !
Beshumaar Sawaal Karti Nigaahe,
Har Sawaal Bejawab,
Kya Yahi Chaha Tha DIN KE UJAALE Se...! !
Patazaadh Ka Mausam, Ujdha Sa Baag,
Thahari Si Nadiyaan, Sukhe Se Jharne,
Kya Yahi Chaha Tha Mausam Ke NAZAARON Se...! !
Sukoon Bhari Neend, Taklifon Se Chutkaara,
Mehkata Badan, Jannat Ko Pyara,
Haan, Yahi Chaha Tha Maine MAUT Ke Ishaaron Se...! ! !
This poem has not been translated into any other language yet.
I would like to translate this poem