बिमा हादर बे
जोंनि आंगो बड'लेण्ड,
सानस'हायै मिथिस'हायै
सोमावसारनाय आरो उथ्रिसारनाय
...
बालाबगासे जिउनि सोलेराव,
अबं सान्थौनि आन्दो थिलियाव,
इयुनसु मिजिंनि साइनासालियाव,
मानिबा खैसार सानख'रांनि सानबोलावरीयाव |
...
सोमखोर गामि दुब्लि दुब्लि
दुब्रि हाग्रानि आलि आलि
आगान होजेनो जेबोला,
बबेबा रुगुंनिफ्राय-
...
बड'लेण्ड
बिमा हादर बे
जोंनि आंगो बड'लेण्ड,
सानस'हायै मिथिस'हायै
सोमावसारनाय आरो उथ्रिसारनाय
सुजुनाय बे थैैनि दाहारजों
आरो सानस्रि रेलिटिभनि
सोदोमस्रि बे बर' माहारिनि |
सान्थ्रहायै बर' माहारिनि
गोथार आर'ज गाबनायजों,
बोहैथि फोजाखांनायजों,
गाजेन्नाय आगाननि बुब्लियाव
मिजिंथिनाय आरो जाफुंसारनायनि
गुदियाव दं, बर' बिमानि
दुंहाव गाथोननि बोहैलु दैथुन |
आखान्थिनि सिगांआव दं-
जोहोलाव-जोहोलावजोफोरनि
गोथौ आन्नाय आरो मोजांमोन्नाय |
जायखौ लानानै जों थांखियो
आरो फेलेंबो जायो;
अब्लाबो बायलुं गोसोखौ
सोरां होयो, गायसंनाय
हाबिलासनि नेर्सोनथि खाम्फाया |
होसोलांनांगोन जों बयबो
सानमोखाङारि लामाजों,
इयुन सुमोन्थायनि थाखाय
सौसिलांनांगोन खैदां खैफोदखौ
आरो गोमसारहोगोन
थामोनथा बे,
स'नानि आंगो बड'लेण्डखौ |