नुसहरै
मोनथिस'हारै
लैथोमानि गेजेराव,
सानस'हायै
मोन्दांस'हायै
सानबोलावरीनि गेजेराव,
सामलायख'हायै
बाहुंखानि गोब्राब बार!
बुखारजाबाय सोलेरा
बुखारजामारबाय
गोब्राब फाखननि गेजेराव |
आद्रा थाबाय
जिउनि सानरेब
सुजुनाय मिजिंनि,
आद्रा थाबाय
जिउनि लामा
गोर्बो सिमांनि,
बुजिस'मोनै
सायखंनि उल्था मुलुगाव!
आन्दायबाय नोजोरा
आन्दायमारबाय
फावथिनानि सायनासालियाव |
सिग्लाबजाबाय
फेलेंनि दैथुन
बोथोरनि हान्थिनायाव,
लोमसावजाबाय
बोहैलु दैथुन
दाहारनि नारख्रेबनायाव
सानख'हयै
हाबिलासनि सोरां फुंखाया
जोबलांनो हमबाय
जोबलांमारबा
बरफ बायदि आवलिमारबा |
This poem has not been translated into any other language yet.
I would like to translate this poem
जिउनि सावथुन खन्थायनि सानस्रिफोरा मोजाङैनो बेरखांदों |
साबायखर नोंथां साबायखर |