सान ओंखारजेननायनि
जारां सावगारिनि सावगारिफोरा
मोनफा मोनफा गाबनि गाब गानानै
मोखाङाव देवलनि आबिर फुननानै
...
'उॅ' खौ सिनायहोगिरि दोरोम जोहोलाव
नोङो जेरावखि थायामानो
गाबज्रियो आं नोंखौ।
नोंनि जिउमाया बोहैहोनाय
...
Date: - 14-1-2016
स्ट्रीट रट सेर सेर आरो खनाखनला जेरावबो
जिब जुनारफोरा लाजिफोनांजादों
...
धनी राम नार्जारी
Date: - 15-2-2016
नों आंनो बुंफोरलायनांगा
आंनि psychologicum फ्लेटाव खेबखांनानै दोनफैजाखानाय
...
डि.आर. नारजारी
Date: - 11 / 1 / 2016
गोजांबोथोरनि फुंबिलिनि दुब्रिनि सासा
...
दुफावनाय खुवानि सिं सिं अरन बारियाव बादारिया दंफां नागिरदों
मेंनाय आरो हाथासि गोसो लानानै गांहाबनायजों
जिरायथ'यो बियो निजिरा सेरनि गेरेमसा फांसे बिफां गुदियाव
निजिरायाबो थाद'आलासि अरन बारि सिं सिं बोहैलांदों।
...
नायहरनायाव सहरखौ नुहुरदों जोबोर समायना,
हरनि समाव रिथि-रिथा जोंनाय लाइफोरा बांसिन समायफ्ले होदों।
थासारिया जोबोर निरालाथारमोन,
बेखायनो सान गोरलैआव फेख्रायबोदोंमोन
...
हरनि गोब्राब हस्रिनायाव खोमा आलोवनानै
गोजांबोथोर बहरनि नाराबादि आं
आरांगा सानि मारबल अनथाइ होसिनजानाय लाइजामबादि
अरनि खुगायाव जिरायना थायो
...
The night is for walking long way
On this long walking road
Darkness is the only friend of mine
She is embracing me in her bosom
...
आंनि गोमानाय थैसाम
सान ओंखारजेननायनि
जारां सावगारिनि सावगारिफोरा
मोनफा मोनफा गाबनि गाब गानानै
मोखाङाव देवलनि आबिर फुननानै
नुजाथिफैदों बिसोर
आंजों हामफ्ला थिमफ्ला
जेन आंनो मिनिनायनि खरागसो होफैदों।
बेफोरमोन आंनि गोमानाय थैसाम।
बेफोर दा बबेबा अनथायाव नांल्दाबोबाय
बबेबा दुब्रि बिलाइआव सिरिबोबाय
बबेबा दैमानि दैजों बोहैखारलांबाय
बबेबा हाजो थिखिनियाव थाबथाबोबाय
आरो खायसेखौ दाउफोरा गावसिनि बासा बानायहैबाय।
दा आं बेफोरखौ
थरफा थरफा बुथुमहैलिया एबा खनथुमहैजालियाबो।
दा बेफोर बिलोआव ना गुरफैसै फालो फालो
बेखायनो बेसोरजों आं थरसे अनथाय बादिसो थायो।