izel-as igenni
Yaker-as asidd g iẓri
Isawel-as ɣef tlelli
G tmurt-nneɣ g yugem imeṭṭi.
...
Ad ur i-tsetsam, ul-inu itkar s imeṭṭawen[2]
Mek ulliɣ, angi-inu akwen yawi.
...
Wargeɣ
Ffɣen-d medden ɣer iberdan
Redlen acenyal azeggwaɣ
Bbin itri-nnes azegzaw.
...
Mu?End Abeldi[1]
izel-as igenni
Yaker-as asidd g iẓri
Isawel-as ɣef tlelli
G tmurt-nneɣ g yugem imeṭṭi.
Muḥend Abeldi
Isseɣta-t ubeɛti
Issɣer-as amezruy n uṛumi
D win waɛrab aḥraymi
Win n Σellal Lfassi d Lmehdi
Inɣan Σebbas Amsaɛdi
Muḥend sseɣran-as llif d lba
Lḥemdu d qelhu wellah
Cca d Uct Rra
Nnas-as 'llif amm bugejdi n urwa
lba taneqqiṭ s wadda
lfa taneqqiṭ s afella
nnun amm ubaw g tzuḍa[3]'
Nnan-as: 'Ta ayed igan tussna'
Tarwa-nnsen tella-nn g Fransa
Mirikan, nnegliz, d Beljika
Ad gen ajenyuren d lwuzara
Nebḍen fellawen asekka.
Muḥend ad ig ameksa
Yames leḥruf n cceɛriyya
Idder g ukerfes ass-a d usekka....
Muḥend iccef g leḥruf n cceɛriya
Zrin ɣifs wussan iddahda
Tebzeg degs twekka n tɛurrba[4]
Muḥend Abeldi
Iccef g uxerriq[5] abeɛti
Idewwex izel-as yigenni
Iḍer ɣef wakal, yasi ajenwi....
Muḥend ilsa aduku aneglizi
Timelsit n userdas[6]amarikani
Isilew i wamar amm iqbi
Jjakiṭa ɣef ujellabi
Yagel g testawt ajenwi....
Muḥend Abeldi
Afrawen-as igḍad
Tgem-as tennfel g ikecci.
Igellin a Muḥend Abeldi
Irna yaferruɣ ɣef taferɣi.
Muḥend yaɣul amm iydi
Issegma amar amm iqbi
ar t-iɣwemma s lḥenni
Inna-asen ḥerment leqhawi
Tiwetmin amm wulli
Ad qqiment g tgemmi
Ad ddrent g ifesti
Aya ayed inna Xumayni d Σebbas Madani
Aya ayed inna wedlis n Rebbi
Avidyu, apparabul d uTV
Ḥermen, acku issker ten uṛumi
Afad aɣ izel abrid n Rebbi....
Igellin a Muḥend Abeldi
Irna aferruɣ ɣef taferɣi....
Abeɛti issaɣen timessi
Iqqima ɣef ukwersi
Ar issa lbirra d lwiski
Ar isawal awal n uṛumi
Ig afus-nnes d ubeṛṛani
Ttesbiḥa g ufasi
Yameẓ g uzelmaḍ ajenwi.
Ayayay a Muḥend Abeldi
Irna yaferruɣ ɣef taferɣi.
Muḥend skecment i wpparti
Sgillint ɣef udlis n Rebbi
Nnas-as Amaziɣ d aɛdaw n Rebbi
Agerḍ-nnes ad t-isḍer ujenwi
Vive l’Afghanistan, Vive l’Algérie
Ad iḍer leɛlam n uɛdaw n Rebbi
Aya ayed inna Ben Laden d Xumayni
Aṛumi ad t-ittec ugari
Allahu akbar, ur illi ɣas yiwen Rebb.
Muḥend iksi ccaquṛ d ujenwi
Ad ineɣ aɛdaw n Rebbi
Yaɣ-nn abniq n yiccki
Nitni nnan ur t-neẓri
Wannaɣ d anfal ineqqan lɣaci
Ur as igi ɣas ajenwi
Ad ittuger uksum-nnes i weydi.
Aya ayed inna Σbbas Madani.
Igellin a Muḥend Abeldi
Irna yaferruɣ ɣef taferɣi.
Lḥu Azergi,
Meknas, awilan n 1997.
[1]Ce poème a été écrit lors des années universitaires à Meknes. Je le publie ici comme il a été diffusé dès 1997 sans changements. Ce même poème avait été publié dans l'hebdo Agraw en 1999.
[2]l’arabo-baâthiste
[3]assiette
[4]l’arabisme
[5]le mensonge
[6]soldat