दैसा हाब्रांआव Poem by Bidindra Basumatary
दैसा हाब्रांआव
सानजौफु समनि बिखायाव
आं सानबायदों
गामिजों बोहैलांनाय दैसा सेराव जिरायना
फुं समखौ बोरै हगारहरखो
आरो दा मोनाबिलि समखौ बोरै हगारहरगोन?
दा बे सानजौफु समाव
गोनां खामानि खनथुमनो
माखासे हाबिला खन्थुमना
दावगानो आगान हराब्ला
हाबावगोन माब्लाथो हरनो।
फुंबिलिनि रुइदुब समा
गारना थांबाय दिनै
मोनफैबाय सानजौफु
फैगौ मोनाबिलि सम
बेखौनो सानना
दैसानि रुगुं हाब्रांआव
गोसो बिरदावलि लाना
निजोमै दं आं जिरायना।
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
5/5/2024 8:12:18 PM # 1.0.0.1119
