नोंनि रावखौ खोनाब्ला
आंहा गोसो बुबदावो
देंखोनि रुगुं गैयै बै अख्रांआव
सानरेबनि हाब्लां खेंब्लाना
रेबगननि नायब्लां बोदलाना।
-
जानबुंआव गाबखांफैब्ला
खौरांनि सोदोब, बेखेवना नुयोब्ला
नोंनिनो आसि बुब्राबनायनि सोदोब
गोर्बोआ गाबखांओ गोजोननायजों
गोदाव सोराव बिरदावनाय गोसोखौ
हगार हरो बेयावनो थगायना; समखौ लाजिफोनांना।
-
बारजों बिरफानाय खानाय बिलाइया
आंनि मेगनखौ आनज्लेन खालामो
हायनारि महरखौ लाखुमायो,
गंस्रियै खानाय बिलाइ हुस्लिमनाया
मोदानसार होयो महर नोंनि।
This poem has not been translated into any other language yet.
I would like to translate this poem