बिबायारि जों नङा Poem by Bidindra Basumatary

थाइसे थाइनै मोननो
लामा नोगोर गारि स्टेस्वन बायदियाव
बिबायबायग्रा खाना खुज्रा एबा अलसिया
जों नङा।
जों जायखौ बिदों
नङा बेयो बिबायारिनि बिबायनाय बादि
हरा होनब्ला ब्लद ओंखारलांनाय
हरब्ला लाना थांनाय।
जों बिदों नंगौ थारैनो
नाथाय जांख्रिथाइजोंसों
मोनागौमानि सिरि थारोंआ जोंनि खुगा
आखाइ जांख्रिनाया थाबथाया
जों बिग्रायारि उदांनि, नङा लामानि बिबायारि
जों बिग्रायारि आबुं जांख्रिथाइनि
नङा अलसियानि उदै सुफुंनो बिबायनाय।