Ronjoy Brahma

Gold Star - 29,874 Points (2 November 1994- / Amteka (Chirang) /Assam, India)

गोरबो इसिँनिफ्राइ -19 - Poem by Ronjoy Brahma

सोर सोरजिनायनि
गोमोथाव सावगारि बेलाइ?
मा साननि उनाव हर
खोमसि हरनि उनाव सोरां
-
सोर दानायनि एसेग्राब
गुवार बुहुम
मिथिस'वा नुहरस'वा
रिउ रिउ नो
सोर खालामनायनि जादु
जाखो बेलाइ?
-
एखमब्ला गोसा सान्दुं
एखमब्ला अखा दोमैलु जोमै
मा गोमोथाव माया महिमा
जाखो बेलाइ?
-
मानसिफ्रा बुंसो लायो
सोरजिगिरि अबंलावरियानो सोरजिदोँलै बे बुहुमखौ
गासै सान हर
सोरांनि उनाव खोमसि
बिनिनो माया महिमा
-
सोरजिगिरिनि माया
जादु गेलेनाय
बे गोमोथाव सावगारियाबो
अब्ला-
सोरजिगिरिया सोर जाखो?
बेलाइ बबावथो थायो?
-
सुबुंफ्रा बुंसो लायो
सोरजिगिरिया बोराइ बाथौआनोलै
सोरबा सोरबाया बुंसो गारो
सोरजिगिरिखौ जोँ जोँनि मेगनजोँ नुनो मोनालै
-
बेयो बयनिबो गोसो आरो
सोलेरावसो थायो
सिबिनो रोङोब्ला गोसो गोरबोजोँनो
नुनो मोनो सोरजिगिरिखौ।

Topic(s) of this poem: poem


Comments about गोरबो इसिँनिफ्राइ -19 by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, July 20, 2014

Poem Edited: Monday, November 9, 2015


[Report Error]