समा थाङो बाज्ल'-बाज्ल'
बोथोरा थाङो जंखाय-जंखाय
गोजाम नुथाइया गोमालाङो
गोदान महर गुसाइबोयो।
-
जारम'न हाग्रा गौ-ग्रौ बै सम
दिनै लांदां फोथार गुवार
बै समनि लांदां सिदला
ग्रौ-ग्रौ खासि हाग्रा दिनै।
-
जाहाबना गुफुर औवा सुबा दाउब' फालोजों
सिरि निजोम दिनै
मासे दैसे नुलिया, बहाबा बिरलांजोबबाय
गासैबो दलाम गुस्लाइथारबाय नुथाइ।
-
ज'-ज' सावरि-बादालि जालायनाय
माइ गायलायनाय खोथिया फुलायनाय
गैथारलिया दिनै माथोलाय
गोमालांथारबाय ज'-ज' ओंखारलायनाय हाबा हुखायाव।
This poem has not been translated into any other language yet.
I would like to translate this poem