सानबोलाउरिनि रेगा-6 Poem by Bidindra Basumatary

सानबोलाउरिनि रेगा-6

राजखान्थिनि खुगा फारब्रै फारबा राजखान्थिगिरिफोर
फैलारबाय दायो बिसायख'थि खाथियाव-खाथि
जाथारलायबाय बिसोरनि फंफ्रोम राव गोदैयाव गोदै
गामि-ओनसोल मिटिंनि आड्डा।
-
साखाथि फाखाथि सेर सेर नांला-बंसा
खारफादों खिथुआव आखाइ थाइनैखौ गथाइ गथाइ
लुबैसुलानि नेर्सोनफोरा बेफोरावनो नुजादों
इसेबो मिथिरोङा बिसोर समाजनि जें-जाबोर।
-
सानैसो फोरोंगिरिफोरखौबो मा नायबावनो बे समाव
फरायसानि महरखौनो बावगारलांदों लुबैनाय खबजायाव
खारफादों राजखान्थिनि खारलिंनाय लामा-लामा
बिबुंथिदों मिटिं-दावटिंआव नङा सोलोंथाइनि।
-
सानैसो टिकादार कन्ट्रेक्टरनि लुबैनाय उदैया
मन'दों आरो मन'दों राज्योनि बारफोरखौ
थोआखै थोआखै रोगादों जेंसिफोरखौ
गावसोरखौल' जिउ गोनां बादि मोनथारबाय जानांगौ!

Wednesday, December 9, 2015
Topic(s) of this poem: life,politics,corruption
COMMENTS OF THE POEM
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success