उदां अख्रां नागिरदों बर' फिसा
हामा-दैमा जिउ मोनसेखौ लाना
अख्रां नांदां हस्रिखावदों
थामोन्थाइनि मोन्थाइ हारि मोनसेनि।
-
उदां अख्रां मोनब्ला जों जिराया
जों उदां नांगौ उदाङै दावबायनो
जोंनो गोजोन नांगौ सोदोमस्रिनि
बायदि हब्रानाय लामा सामा जौसां।
-
राजखान्थिनि नोजोरजों नंखाय हब्रानाय
गावजों गावनो नांला बंसा मोहेरलायनाय
सोरबाय बुंसोलायदों नोंसोर मोना
उदां अख्रां। मानो मोना?
-
जेखौ जों मोना होनना जना थागोन
मोनगोननि मिजिं फैमाल थांखागोन
जुजिनाय नाजानाय सहायनायानो देरहासारनाय
देरसारखागोन सानसे जों बे सिदलायाव।
This poem has not been translated into any other language yet.
I would like to translate this poem