Ab Yaad Nhi.. Poem by abhilasha bhatt

Tumhari pasand ko
Maine apni pasand bana lia
Meri kbhi apni pasand kya thi
Ab yaad nhi
Tumhari khushi ko
Maine apni khushi bana lia
Meri apni khushi kisme thi
Ab yaad nhi
Tumhari chahaton ko
Maine apni chahat bana lia
Meri chahat kya thi
Ab yaad nhi
Tumhare ghamon ko
Maine apne gham samajhe
Mere ghamon ki Kya wajah thi
Ab yaad nhi
Tumhare sapnon ko
Maine apne sapne bana lie
Mere khudke sapne kya they
Ab yaad nhi
Tumhare khwaabon ko
Maine apne khwaab maane
Mere zindagi k khwaab kya they
Ab yaad nhi
Tumhare kisson ko
Maine apni kahani banali
Mere jeevan ki kahani kya hai
Ab yaad nhi
Tumhari manzil ko
Maine apna safar maana
Meri manzil kya thi
Ab yaad nhi
Tumhari jeet ko
Maine apni jeet maana
Meri khud ki jeet kisme thi
Ab yaad nhi
Tumhari aadaton ko
Maine apni aadat banaya
Meri khudki aadatain kya thi
Ab yaad nhi
Tumhare wajood ko
Maine apna wajood bana lia
Mera khudka wajood kya hai
Ab yaad nhi
Tumhari beruki ko
Maine tumhara much par adhikaar jaana
Mera khud par kb adhikaar tha
Ab yaad nhi
Tumhari shikaayaton ko
Maine tumhara pyar maana
Meri khud se shikayat kab thi
Ab yaad nhi
Tum bas khud main rahe
Aur main hum hi kehti rahi
Main kb mujhmain thi
Ab yaad nhi
Tumhe to ab main bhi yaad nhi
Galti tumhari bhi nhi
Main tum main samaati rahi
Main aur tumhe apna samajhti rahi
Hum sath hain chal rahe maanti rahi
Jabki tum bas Mera kehte hue chalte rahe
Aur ahem main mujhe chota aur chota
Din raat seher shaam
Mujhe apni aur meri nazron main krte rahe
Ab agar tumko main yaad nhi
To mujhko tumhe yaad rakhne ka kahin koi matlab nhi..