One one dutty
a build dam
punt trench wattah
a run go ah koka
and alligata ah hide
between muck-mucka
waiting fuh catch yuh
while carrion crow
ah sit pon barb-wyah fence
watching fuh see
who guh dead
gyal a wash claat
pon de ghat
and all ahwee
a listen
how donkey a bray
while cane cuttah
ah come home
wid he cutlass in he han
wrap up in ah bag
and I wake up seeing
everyting, everyting
wid me naked eye.
This poem has not been translated into any other language yet.
I would like to translate this poem