Treasure Island

Aashima Singh


Aisa Nahin Ki Koshish Nahi Ki


Har saans par tera nam likha hai maine
har hansi par tera naam likha hai maine
har pal yaad kiya hai maine
har pal bhulaya hai maine
Aisa nahi ki koshish nahin ki
par kya batoon jitana bhulaya
usssey jyada toot ke yaad kiya hai maine
kuchh paaya nahi phir bhi sab kho diya hai maine
bas ummedein bachi hain yaadein bachi hain
lamhein bache hain raastey bachey hain
kyoon har mod pe dil palat jaata hai
kyoon har aahat pe machal jaata hai
aisa nahi ki koshish nahin ki
har dua mein tujhe maanga hai maine
har raat ke baad har subah ka intezaar kiya hai maine
kaash! kuchh naya hoga, kuchh achha hoga
kuchh to mere dil ke mutabik hoga
aas tooti nahi hai
aisa nahin ki koshish nahin ki
har aansoon ko piya hai har dard ko chhupaya hai maine
dil ko manaya hai behlaya hai maine
par koi bhi baat dil samajh paya nahi hai
toh khud ko bharosa dilaya hai maine
aisa nahi hai ki koshish nahi ki
tere faisale ko mana nahi hai maine
par kya batoon tune mujhe uske siwa koi doosara raasta dikhaya nahi hai
kya tere faisale ko mann loon, to kya tu khush hoga
to jaa aaj tere faisale par sir jhukaya hai maine
nahi isko meri haar na samajh ya mera ikrar na samajh
bas kya bataoon teri khushi par marne ka irada banaya hai maine
teri khushi par toot ke bikhar jaane ka irada banaya hai maine
aisa nahin ki koshish nahin ki...
har koshish mukammal ho...........
.......shayad ye zaruri to nahin.

Submitted: Monday, February 18, 2008
Edited: Sunday, February 01, 2009

Do you like this poem?
0 person liked.
0 person did not like.

What do you think this poem is about?



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (Aisa Nahin Ki Koshish Nahi Ki by Aashima Singh )

Enter the verification code :

Read all 2 comments »
[Hata Bildir]