Ako, Lumad Poem by Gil Nambatac

Ako Lumad
Dili kahoy pangsugnod
Sa makinaryas gobyerno
Gitawag Militarisasyon.
Ako Lumad
Dili mananap ihalas
Basta-bastahong pamusilon
Sa kabukirang gihawanan
Sa namuhonang mga Kapitalista.
Ako Lumad
Dili sagbot nga pagatumban,
Katungod yatak-yatakan
Sayun-sayonon, biay-biayon
Tungod sa atong lahing tinuohan.

Ako Lumad
Tigpanalipod sa akong kultura.
Ako Lumad
Bagani sa yutang natawhan.
Ako Lumad
Anak sa kinaiyahan.