Amehlo Asethe Njo Poem by Vincent Masango

Nabaya! Ekuseni ngovivi bephuma bengena
Kuhle kwamakhosikazi ethwele umbondo
Wakubona wakubeletha wephephandaba,
Babehlezi nyaka wonke benethezekile
Bengazi nokuthi lidumephi

Ngisho kuwe mfokazi nawe mfokazana
Namhlanje usufuna ukwazi imiphumela yami
Njengoba sengisenge ngakhiqiza ezami izaqheqhe
Ngigadle ngosiba ladumala iningi,
Kanti bengingakagadli bengisatinyela
Ziqhenye nawe mfokazi

Amehlo asethe njo, lwachitheka ubendle,
Kwakikizwa kwakhalwa
Kwajatshulwa kwadunyalwa
Kwazise nansi phela imiphumela kamatikul'etsheni.

Ibhalwe: Vincent Samukelo Masango