Among Lola: Grandma Poem by Marvin Brato Sr

O among Lola
Sumbanan ka namo
maayo and imong pamatasan
Mahadlokon ka sa Diyos
Ug mahigugma-on ka sa katawhan
Inahan ka nag buotan
Nga naghimugso sa among amahan
Ti-unay ka sa imong mga anak
Ug walay pinalabi and imong pagtagad.

O among Lola
Ikaw mapalanggaon
Sa amo nga imong mga apo
kami nagapasalamat
Sa imong kamaayo
Ikaw among gihigug-ma
Sama sa paghigugma namo sa among ginikanan
Salamat sa imong pagtudlo ug pagmatoto sa matarong
Sa among buotan usab nga amahan nga si Toto.

O among Lola Consurcia
Among iampo sa Kahitas-an
Nga ikaw lugwayan pa ug daghang katuigan
Sa imong kinabuhi haron among makauban
Sa hata-as pa nag panahon
Ug sa among kasing-kasing
Ikaw among kanunay nga pagahandumon
Samtang kami dakong buhi ning kalibutan.