Bidlisiw Sa Kabuntagun Poem by Minerva Agriam

Ang banagbanag sa adlaw
Sama sa mga hudyaka;
Pahiyum ug katawa
Sa matahum nga Anghel;
Nga kanunay makita
Diha sa kalinaw;
Kasingkasing nga puno
Sa pagpangga;
Kaanindot sa kinabuhi
Puno sa kalipay;
Kahimayaan ug mga kasakit
Maoy buhing saksi;
Niining maanindot nga
Kinabuhing way sama;
Daw sama sa kaanindot sa
Bidlisiw sa kabuntagun;
Diin ang mga banagbanag
Nagadala ug kahayag;
Katumanan sa mga
Talidhay ug pangandoy;
Sa tawong nangandoy
Sa bidlisiw sa kabuntagun.


(4/13/03. 1: 15 p.m)