Didto taliwala sa mga rosas
Nakita ko ang imong larawan –
Mapahiyumong mitutok kanako,
Nag-agni’g pagsimba sa imong alimyon.
Sama sa giduyan king kasing-kasing
Nga gibayaw sa kapanganoron
Tungod sa pangandoy nga maangkon
Ang imong himaya.
Gitadlas ko ang dalan paingon
Sa imong mabulokong tanaman
Hinay ug mainampingon nga ang rosas
Di matumban.
Sa dihang gibati ko na unta
Ang kainit sa imong dughan
Sa kalit ka lamang nahanaw
Ug sa kahinanok ako napukaw.
Kaanugon.......
Damgo lang diay kadtong tanan.
This poem has not been translated into any other language yet.
I would like to translate this poem