Wena mntu ndini othe tywa...
emandlalweni kwade kwaphuma ilanga
langomgqibelo...
Ubuthand'izinto,
Ubuthand'abantu,
Ubuthand'ubumnandi...
Utsho ngomvungulo waphezolo
nezisini ingathi uphuma eposini...
Phezol'ubuthetha kamnandi
ngathi utyibilikela emendweni...
Ibinguwe kanye lo uphume ephunguza
Kanti uyakutsiba elikaPhungela.
Ngoku ubuyile, bakupheka bekophula...
bakubuz'inanana ungena mpendulo...
Ubusithi uyazivisa
kwavuswa
wavuza
kwasa se' uvaswa
uvalelwa
ungenantetha
uthule, ungasatsho nokuba
'akusemnand' ethaveni! '
Sele ulandulele eli.
Uwile ubungeyonkweli.
Zama ke phofu ukuzilungisa,
nathi sizakuvalelisa ngentselo...
kodwa wena ungayinaki leyo
kaloku akunxilwa kwelabafileyo..
This poem has not been translated into any other language yet.
I would like to translate this poem