(para sa mga Mommy, Nanay, Madear, Inang, sa Araw ng mga Ina)
Ikaw ang kanlungan
ng bisig kong mahina
tumatanglaw sa dilim,
animo'y tagahatid
patungong liwanag,
upang hindi ako iligaw
Paghele mo'y hatid
ay arugang hanggang magdamag,
Paghanda mo ng almusal sa la mesa bawat umaga'y
nagpapabusog sa kalamnang alam ang pagkukulang
Mga pangaral mo'y nagsisilbing mga hakbang,
upang patuloy nakaapak ang yapak sa lupang kinatitirikan
mula sa aming pagsilang,
hanggang makalakad ang mga
yapak,
sa hinahangad mong magandang bukas
at ligayang walang wakas,
Pagmamahal mo'y tulad ng ilaw,
hindi aandap-andap,
hindi mapupundi,
mananatili,
hanggang huli.
Abellon
09 Mayo 2015
para sa Araw Ng Mga Ina
This poem has not been translated into any other language yet.
I would like to translate this poem