Ang sabi ng iba ano nga ba ang kaligayahan?
Yaon bang makamtam ang minimithing kasaganahan?
O ang makapagpatayo ng matayog na tahanan
Na titingalain ng buong sambayanan?
Minsan masarap isipin
Na gumawa na lang ng kagandahan sa kapwa
Magbunyi sa maliit na iyong yaman
At magpasalamat sa natatamong biyaya
Iwasan ang mainggit sa iyong kapwa
Wari bagkus ay maging masaya sa kanilang tagumpay
Marahil ipagdiwang na lamang ang iyong buhay
Na hanggang ngayon ay iyong taglay
Linisin ang isipan sa masamang bagay
Hayaan mo at magliliwanag din ang iyong pakiramdam
Mawawala lahat ng iyong pag-aalinlangan at agam-agam
At mamuhay ng payapa ng walang humpay.
Copyright © Grace Svensson
December 11,2018
This poem has not been translated into any other language yet.
I would like to translate this poem