~karva Chauth Par Anokha Uphaar Poem by Parul Agarwal

Bhar maang mein laal sindoor
sajaa kar chudiyaan haathon mein
maathe pe chamki, Damakti ek bindiya
jhanjhar jhanki pairoon mein..

chanchal nain bane kanteele
kaan mein jhoome jhomke
nau-lakhaa se saj gaya galaa
keshon mein the gajre..

Heera damka ungli mein
aur chamka nathuni pe
hontho pe firayi laali
gaalon pe thi sharam ki laali..

baajuband bhi chamak uthaa
kamar se bhi koi jhanka
bichawe pehen pairon mein
heena sajai hatheli pe..

dekh kar apna damakta roop
aaine mein, ithlai aur
phir kuch sharmai
simat gayi apne hi pallu mein..

kare intezaar saajan ka
jo jayega waar us pe
Lekin,
aaya woh nashe mein dhut..

chaknachoor hua sabh fhir
sapne udh gaye kahin aur
dekh na paya subah kaa suraj
de gaya usse amit uphaar
Safed ki thi tabh guhaar.

~16/10/08~