Lament for Chaucer
ALLAS! my worthi maister honorable,
This landes verray tresor and richesse!
Deth by thy deth hath harme irreparable
Unto us doon: hir vengeable duresse
Despoiled hath this land of the swetnesse
Of rethorik; for unto Tullius
Was never man so lyk amonges us.
Also who was hier in philosophie
To Aristotle in our tonge but thou?
The steppes of Virgile in poesie
Thou folwedist eeke, men wot wel ynow.
Thou combre-worlde that the my maister slow--
Wolde I slayn were!--Deth, was to hastyf
To renne on thee and reve the thi lyf...
She myghte han taried hir vengeance a while
Til that sum man had egal to the be;
Nay, lat be that! sche knew wel that this y1e
May never man forth brynge lyk to the,
And hir office needes do mot she:
God bad hir so, I truste as for the beste;
O maister, maister, God thi soule reste!
Read poems about / on: god
Read this poem in other languages
This poem has not been translated into any other language yet.
Comments about this poem (Lament for Chaucer by Thomas Hoccleve )
- When He's Not Here, Lora Colon
- Charlotte Old Times (The Cure), B.. Alexander
- Cardinal flower, DEEPAK KUMAR PATTANAYAK
- Down the Memory Lane, Valsa George
- I Miss You, Viola Hughes
- Little Grass, wasim Akram
- Silence of graveyard, ramesh rai
- Stand Small, Von Kimball Barney
- This Friendship Has Sunk, Francie Lynch
- Smiling, Mokhtari Houssam eddine