InNer WhisPers (May 25,2008 (the day this page was born) / Philippines)

Ilang taon na ba ang pinanday nyaring isip
Sa pagnanasang ika'y kasama sa bawat panaginip,
Isa...dalawa...pitong taon ay walang nag-iba
Init pa rin ng pagmamahal ang naramdaman natin sa isa't isa.

Wika mo, mahal na mahal mo ako...iyan ang pakatandaan ko
Malayo ka man, ang puso mo'y hawak-hawak ko,
Bagamat ramdam natin sa tuwina ang hirap ng pag-iisa
Pilit mo'ng pinupunan ang kawalan mo ng presensya!

Reklamo ko sa twina: 'Kainis, ako'y napapanis na...
Kung bakit wala ka kapag ako'y nakaramdam na,
LARO ng ISIP, kapag malayang naglakbay na
Hanap-hanap kita...katabi naman sana kita, ano ka ba! '

Di ko namalayan, ilang taon na pala
Gamit-gamit ko pa rin ang pangalan mo, hay...may choice pa ba?
Oo naman, wika mo nga'y laging meron naman
Pinili ko lang mahalin ka at manatiling tapat sa pangakong ating binitawan!

Mahal kita, alam mo yan...
Laro ng isip kapag umiral man
Hindi naman nito kayang ipagpalit ka
Maliban sa panaginip ko minsan, kay Nicholas Cage nagnasa!

Ha ha ha!

Anibersaryo natin...naku, ilang araw na lang pala
Kaya't sinikap ko ang gawan ka ng tula
LARO ng ISIP, on the spot ko ginawa...
Gaya ng ipinangako ko saiyo, hindi ba?

Heto...basahin mo
Laro ng isip ko, iyong-iyo.
Bagamat napakaraming tukso ang tumatakam sa imahinasyon ko
Aba'y anak ng patola...sa'yo pa ri'ng bisig ang bagsak ko!

'La naman ako'ng regrets...

Tagal nga...araw ng a-trenta'y antay-antay ko na
Anibersaryo natin, hindi ba?
Pero... bukod dun, hala, sana'y dumating na
Ang sorpresa'ng wika mo na iyong ipinadala!

Hmn... Ano kaya...

Hindi ba pwedeng...IKAW NA LANG, WALA NG IBA?

****
Tula para sa may mga anibersaryo...(Kina Rodel at Carole sa kanilang ika-13th anibersaryo.)