ذكريات من هنا و هناك بابور يوناني راح و طلع فيه عبودة و رجع عبودة بس عئلو طار... زواريب ايام زمان و ساحة طب و جور بأيام رمضان الخالية... كنا نلعب ' الطميمة ' و ' الولوماي ' مع اولاد الامريكية... كنا نلعب ببستان الباطوس و نركض ورا الصبر و نحوش خبيزة و زهور برية و نشوي البزاق... كان قصر سعادة المهجور يتأملنا بجبروته و لانعبأ به... بنات حكيم السنان داخل البيت... كنا نلعب كرة القدم عل الفظلة... كنا نحوش بردئان و ليمون زفير و زهور و ورود من حديئة بنات حكيم الاسنان... كنا ولاد ملاعين... كان في شوي من ولاد حنيكير و شوية حويترية و شوية هبابير و ووووو الطفولة الجميلة كانت و مازالت بمخنا... في صور كتيرة من هون و هون و كأنو الشي هلأ صار... شو ها الايام ؟! في ناس ماتوا و في ناس راحوا و سافروا و في ناس متل اللي مضيع جحشة خالتوا لا بيكشوا و لا بينشوا... ايام و ايام و ايام بتروح و بتمرك عال الكل... راحت الزواريب و راحت الاكابر و بيئيوا الحويترية و اولاد حنيكير بس بالأخر ما بيصح الا الصحيح... اضوضة زيت و زعتر من ايدين امي احلى من اكل العالم كلوا... ذكريات بتبئا و و هيك الحياة... الثلاثاء في 02تموز 2015 ____________________________________________________________________
This poem has not been translated into any other language yet.
I would like to translate this poem