MY GOD SE OË
My God se oë kan wyd sien
my God se oë is groot
Hy sien ons hier op aarde
tot in die diepe dood
Hy sien tot in ons harte
wat ons almal dink
Hy sien ons stil reaksies
as Hy ons nader wink
Daar is hier niks op aarde
wat ons tog kan verbloem
As ons soms stilweg besig is
om ander te verdoem
Sy oë is altyd op ons
in ons lief en leed
Hy sien wat ons soms pla
en diep aan ons kan vreet
Maar dis vir my ‘n diepe troos
ek’s altyd in Sy sig
Hy ken my deur en deur
en gee my altyd deur Sy lig
2004
Syvia
This poem has not been translated into any other language yet.
I would like to translate this poem