Ntomb'Entsundu Poem by Andiswa Mvanyashe

Layaphina ibhongo neqhayiya
Lokuzidla ngobuntombi bakho?
Zayaphi iinkomo zikayihlo?
Ingaba isibaya asiqhekezwanga na?
Ntomb'entsundu ndiyabuza.

Buhle besizwe
Ntyantyambo yohlobo.
Nditsho nentaba zibizwa ngawe.
Bath' abadala bakujonga isizwe babone wena,
Kucingwe wena ntomb' entsundu.

Siphi isidima nesithozela
Sentomb' ebhong' entsundu?
Kuph' ukukhuthala,
Kuph' ukuqukeza sijonge umendo?
Ntomb'entsundu siyakulilela.

Sikhumbula lo mihla amabele aye ekhombe umfana
Kuthi yakuthi jike kukhal'imfiyo
Zingantywantywa ifikile intomb'entsundu
Zingadeda kunyathela intomb'omnt'omnyama
Ntomb'entsundu siyakudinga!