O Jenny Dear, I’ve Courted Lang - Poem by Susanna Blamire
O Jenny dear, I've courted lang,
I've telt my tale and sung my sang,
And yet I fear I'm i' the wrang,
For ye'll na mak a wedding o't.
In winter when the frost and snaw
Wi' bitter blast around wad blaw,
I'd o'er the moor, nor mind it a',
In hopes ye'd mak a wedding o't.
And gin ye smil'd or kindly spak,
It smooth'd the road, and help'd me back;
I thought nae answer I wad tak,
For we wad mak a wedding o't.
Now, when I gae to kirk or fair,
The laddies scoff, the lassies jeer;--
``Is this poor Jock?--the good be here!
For sure he's made a wedding o't.
What is become of a' his fun?
Alak! his joyfu' days are done;
Or else he's pawn'd his dancing shoon,
Sin he has made a wedding o't.
Sure marriage is a dreadfu' thing!
Ye mind 'tis only i' the spring
That little birdies chirp and sing,
Or, till they've made a wedding o't.''
Then up spak honest Johnny Bell:
``My bairns, I ance was young mysel;
I've mony a blithsome tale to tell
Sin first I made a wedding o't;
My Tibby was a winsome bride,--
Nay, yet she is her auld man's pride!
Nae faut i' her I ever spyed,
Sin first we made a wedding o't:
Ilk day we live we fonder grow,
Though buckl'd fifty years ago;
Here's comfort for ye, young ones a',
Then haste ye, mak a wedding o't.
Comments about O Jenny Dear, I’ve Courted Lang by Susanna Blamire
Read this poem in other languages
This poem has not been translated into any other language yet.