Janet Hamilton

(1795-1873 / Scotland)

Our Local Scenery


Smoorin' wi' reek an' blacken'd wi' soot,
Lowin' like Etna an' Hecla to boot,
Ought o' our malleables want ye to learn?-
There's chappin' an' clippin' an' sawin' o' airn;
Burnin' an' sotterin', reengin' an' knockin';
Scores o' puir mortals roastin' an' chokin'.
Gizzen'd an' dry ilka thrapple an' mouth,
Like cracks in the yird in a het simmer drouth;
They're prayin', puir chiels, for what dae ye think?
It's no daily bread, it's drink, 'Gi'e us drink!'
'Callan,' quo' I, 'ye maun rin like a hatter,
Bring up twa pails fou o' clear caller water;
Be aff, noo, ye imp! come back at a canter,
Keep oot o' the store, or I'll fell ye instanter!'
Wae on the store an' the publican's bar,
It's no a haet better-sometimes it's waur;
Men, when they're het, hoo they sweat an' they swear,
Coup up the whisky an' toom doun the beer.
While droonin' their brains an' toomin their purses
The verra air rings wi' oaths an' wi' curses.
It's no just a pay or an orra bit fuddle-
Aft in a day they guzzle an' muddle.
The puir wifie says there's little comes till her,
It's the drink, it's the drink that licks up the siller.
Licks up the siller! wha is't that can count,
Reckon an' add up the fearfu' amount
Wasted on drink at ilk airn-makin' station-
Drink, ever drink, the curse o' our nation?
An' O siccan Sabbaths! O siccan weans!
Rantin' an' playin' an' castin' o' stanes.
Hearken, thae toddlin' bit things hoo they swear;
Had I wings like a doo I wadna be here-
I wad flee far awa' an' seek oot a rest
Whaur drinkin' an' swearin' nae mair wad molest.

Submitted: Tuesday, September 07, 2010
Listen to this poem:

Do you like this poem?
0 person liked.
0 person did not like.

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (Our Local Scenery by Janet Hamilton )

Enter the verification code :

There is no comment submitted by members..

Trending Poets

Trending Poems

  1. The Road Not Taken, Robert Frost
  2. Phenomenal Woman, Maya Angelou
  3. If, Rudyard Kipling
  4. Love, Sarah Flower Adams
  5. Stopping by Woods on a Snowy Evening, Robert Frost
  6. If You Forget Me, Pablo Neruda
  7. Tonight I can write the saddest lines, Pablo Neruda
  8. A Thing of Beauty (Endymion), John Keats
  9. Still I Rise, Maya Angelou
  10. Daffodils, William Wordsworth

Poem of the Day

poet Sarah Flower Adams

O Love! thou makest all things even
In earth or heaven;
Finding thy way through prison-bars
Up to the stars;
Or, true to the Almighty plan,
That out of dust created man,
...... Read complete »

   
[Hata Bildir]