Rok Leti... Poem by KAVITA SINGH

Dil me uthte tufano ko  jo hawa na mili hoti
Mann ki chanchal lahron ko jo panah  na mili hoti
Tere badhte huye kadmon ko  main rok leti
Agar tere ishq me main fanna na hui hoti...

Na raaton ki bekrari hoti
Na din ka sukoon khota
Na aankhon ki nindein udti
Na dil ka chain-o- karar jata

Tumhari bahon ka jo sahara na milta
Meri jajbaaton ko koi kinara na milta
Tere badhte huye kadmon ko rok leti main
Agar mere dil ko, pyar tumhara na milta

Na koi afsane hote
na dil ke tarane hote
Na chahat ki chandani hoti
Aur na andheron ke ye jamane hote


Tumhare aankhon ka jo suroor na milta
Mere dil ko ishq ka noor na milta
Tere badhte huye kadmon ko rok leti main
Agar teri mohabbat me ye dil majboor na hota...