Sazde Ka Tohafa Poem by himanshu sharma

tere kadamon ki aahat
jab mera dil sunta hai
thaam leta hoon saanson ko apni
dil tere khwaab bunta hai

teri aankhon ka nasha mai se
bhi jyaada nashila hai
teri har adaa ka rang
kudrat k har rang se rangila hai
tere aankhon ki gehraayiyan sagar
se jyaada gehari hain
teri julfen maanon
sone se jyaada sunahri hain

tere lab ko chu loon toh
marne ki aarzo na rahe
tujhe paaloon agar
toh aur koi justazu na rahe
tujhse bada tohfa mujhe
kudrat kya degi
jo tu chin gayi mujhse toh maarne k liye
maut ko meri jaan hi kahan milegi

teri ibadat main khuda
ki tarah karta hoon
tera hi naam leta hoon har waqt
teri hi aarzoo karta hoon
bas tujhe paane ki chahat
ta umra karoonga
darr par teri hi aakar oh sanam
main aakhiri saans bharoonga

teri deewangi ne mujhe
deewana bana diya
ishq ki lau main jal
jaanewala parwana bana diya
ab sajda karoon tera
khuda se banda yahi dua chahata hai
mujhe sanam mile mera bas yahi
sazde ka tohfa maangata hai