shaam ko sub'h-e-chaman yaad aa'ii
kis kii Khushbuu-e-badan yaad aa'ii
chaaNd jab duur ufaq par Duubaa
tere lahje kii thakan yaad aa'ii
yaad aaye tere paikar ke Khutuut
apnii kotaahii-e-fann yaad aa'ii
jab KhayaaloN meN ko'ii moR aayaa
tere gesuu kii shikan yaad aa'ii
din shuaaoN se ulajhte guzraa
raat aa'ii to kiran yaad aa'ii
This poem has not been translated into any other language yet.
I would like to translate this poem