Spirit Of Scotland Poem by Andrew Wright

Dear friends and pipers a'
I'd like to say a word or twa,
To praise the pipes and pipers braw,
(Tae some they're de'ils)
But lang may they be spared tae blaw,
Strathspeys and reels.

Tae Soords and Fling, Schottische or Reel,
There's naething made can dae sae weel,
Whaur tunes are played wi' proper zeal,
And proper beat,
They mak the dancers think they feel,
Springs at their feet.

The pipers blaw wi' arduous sough,
(He'd think the job was unco teuch)
As young and old wi' noisy hooch,
And dizzy whirl,
Aye feel their speed's nae fest eneuch,
At ilka birl.

Trace back the Empire's growth wi' care,
In peace or war the pipes were there,
Tae cheer the soul, to do or dare,
And aye win through,
Let's drink a toast tae ilka prayer, Wi' mountain dew.