Carolina, Lady Nairne


The Land O' The Leal - Poem by Carolina, Lady Nairne

I'M wearin' awa', John
Like snaw-wreaths in thaw, John,
I'm wearin' awa'
   To the land o' the leal.
There 's nae sorrow there, John,
There 's neither cauld nor care, John,
The day is aye fair
   In the land o' the leal.

Our bonnie bairn 's there, John,
She was baith gude and fair, John;
And O! we grudged her sair
   To the land o' the leal.
But sorrow's sel' wears past, John,
And joy 's a-coming fast, John,
The joy that 's aye to last
   In the land o' the leal.

Sae dear 's the joy was bought, John,
Sae free the battle fought, John,
That sinfu' man e'er brought
   To the land o' the leal.
O, dry your glistening e'e, John!
My saul langs to be free, John,
And angels beckon me
   To the land o' the leal.

O, haud ye leal and true, John!
Your day it 's wearin' through, John,
And I'll welcome you
   To the land o' the leal.
Now fare-ye-weel, my ain John,
This warld's cares are vain, John,
We'll meet, and we'll be fain,
   In the land o' the leal.


Comments about The Land O' The Leal by Carolina, Lady Nairne

  • Rookie Blue angel Florida (8/25/2007 6:29:00 PM)

    oh Gosh...to sounded for me to travel upon. (Report) Reply

    0 person liked.
    0 person did not like.
  • Rookie Blue angel Florida (8/25/2007 6:29:00 PM)

    oh Gosh...to sounded for me to travel upon. (Report) Reply

  • Rookie Blue angel Florida (8/25/2007 6:29:00 PM)

    oh Gosh...to sounded for me to travel upon. (Report) Reply

Read all 3 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: sorrow, joy, angel



Poem Submitted: Saturday, January 4, 2003



[Hata Bildir]