Tiunay Nga Gugma Poem by bonifacio alba

Matag binuhat nangandoy sa pagtagad
Unsa man siya sa mata sa katilingban
Ilabi na kadtong linalang ni Bathala
Nga nahitumpawak sa dakong kalisdanan.

Ang pagtagad nga gipangandoy mao ang gugma
Nga hinukad sa kinailadman sa init nga dughan,
Diin gihatag lamdag sa pagla-om sa kasing-kasing
Ug ning kinabuhi magsilbing gabayan.

Ang imong gugma ug pagtagd, higla,
Ipaambit sa silingan sa way duha-duha,
Kay usa kini ka hiyas nga dili kabayran
Sa bisan unsa pang salapi ning kalibutan.

Lahi ang kalipay nga sa gugmang tiunay bation
Kay sa kalipay nga salingkapaw ug daklit.
Ang tim-os nga gugma bug-os, maunongon
Ug andam magpasakit sa hinggpit.