Robert Burns

(1759-1796 / Ayrshire / Scotland)

To A Louse


On Seeing One on a Lady's Bonnet at Church

Ha! whare ye gaun' ye crowlin ferlie?
Your impudence protects you sairly;
I canna say but ye strunt rarely
Owre gauze and lace,
Tho faith! I fear ye dine but sparely
On sic a place.

Ye ugly, creepin, blastit wonner,
Detested, shunn'd by saunt an sinner,
How daur ye set your fit upon her---
Sae fine a lady!
Gae somewhere else and seek your dinner
On some poor body.

Swith! in some beggar's hauffet squattle;
There ye may creep, and sprawl, and sprattle;
Wi' ither kindred, jumping cattle;
In shoals and nations;
Whare horn nor bane ne'er daur unsettle
Your thick plantations.

Now haud you there! ye're out o' sight,
Below the fatt'rils, snug an tight,
Na, faith ye yet! ye'll no be right,
Till ye've got on it---
The vera tapmost, tow'rin height
O' Miss's bonnet.

My sooth! right bauld ye set your nose out,
As plump an grey as onie grozet:
O for some rank, mercurial rozet,
Or fell, red smeddum,
I'd gie you sic a hearty dose o't,
Wad dress your droddum!

I wad na been surpris'd to spy
You on an auld wife's flainen toy
Or aiblins some bit duddie boy,
On's wyliecoat;
But Miss's fine Lunardi! fye!
How daur ye do't?

O Jeany, dinna toss your head,
An set your beauties a' abread!
Ye little ken what cursed speed
The blastie's makin!
Thae winks an finger-ends, I dread,
Are notice takin!

O wad some Power the giftie gie us
To see oursels as ithers see us!
It wad frae monie a blunder free us
An foolish notion:
What airs in dress an gait wad lea'es us,
An ev'n devotion!

Submitted: Tuesday, December 31, 2002

Do you like this poem?
6 person liked.
2 person did not like.

Form:


Read poems about / on: faith, power, red, fear

Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Comments about this poem (To A Louse by Robert Burns )

  • Rookie - 130 Points Sidi Mahtrow (8/22/2011 1:57:00 PM)

    Lord! a louse, Sir, is still but a louse,
    Though it crawl on the curls of a queen.

    pp 9 in additional poems. The Works of Robert Burns; with an account of his life and Critticism on his Writings, by James Currie. Philadelphia, Crissy & Markley, No.4. Minor Street,1948. (Report) Reply

Read all 1 comments »

Famous Poems

  1. Phenomenal Woman
    Maya Angelou
  2. Still I Rise
    Maya Angelou
  3. The Road Not Taken
    Robert Frost
  4. If You Forget Me
    Pablo Neruda
  5. Dreams
    Langston Hughes
  6. Annabel Lee
    Edgar Allan Poe
  7. I Know Why The Caged Bird Sings
    Maya Angelou
  8. If
    Rudyard Kipling
  9. Stopping by Woods on a Snowy Evening
    Robert Frost
  10. A Dream Within A Dream
    Edgar Allan Poe
Trending Poets
Trending Poems
  1. Tonight I can write the saddest lines, Pablo Neruda
  2. Still I Rise, Maya Angelou
  3. Your Feet, Pablo Neruda
  4. Evil eyes repeller, S.D. TIWARI
  5. Death is Nothing at All, Henry Scott Holland
  6. The Dead Woman, Pablo Neruda
  7. National Trust, Tony Harrison
  8. My Imagination, Asomugha Gabriel
  9. Suicide Gone Wrong, janis nicole townsend
  10. Boy's Day Out, Shannon Chapel
[Hata Bildir]