Wamoyo (Swahili Language) Poem by Grace Pantaleo

Kutwa, kucha nakuwaza,
japo wewe wanikwaza,
wafanya moyo wangu kudunda,
hata nikachukia kitanda.

Acha kunipa mawazo,
nahitaji lako tulizo,
usibwage wangu moyo,
nikakimbia zangu nyayo.

Fanya hima sichelee,
nijihisi wa pekee,
mwili wangu unenepe,
niachane na mapepe.

Wamoyo wangu Wamoyo,
tupilia mbali choyo,
karibu nami sogea,
nipate cha kuongea.

Wajua tunapendeza,
sina haja kujikweza,
usicheze nami mbali,
punguza yako makali.