Jy sê ek moet in die spieël kyk
en sien wat jy liefhet.
Ek kyk.... en ek sien alles:
My bruin oë wat terugkyk,
diep inkyk, soekend vir
waarhede
maar ook oop en ontvanklik
gewillig om jou in te laat
my wit, ronde skouers
met ‘n paar skugter sproete
wat wys ek is ‘n nagmens
en skaam vir die son...
beskikbaar vir jou hande
my borste, deinend, stuwend –
vol belofte en aardsheid,
vroulikheid... wat jou uitnooi
om te vat –
soekend na jou lippe
my heupe, bleek en wyd
met die geheim van my
sensualiteit verborge daarin
vir jou om besit van te neem
met jou manlikheid
Ek kyk na myself in die spieël
en ek sien alles
wat jy sien, my lief...
wat jy liefhet...
en dis joune
This poem has not been translated into any other language yet.
I would like to translate this poem
Mense maar versigtig om kommentaar te lewer op hierdie een - Maar ek moet net weer se - dis uitstekend........